საქართველოს საელჩო დიდ ბრიტანეთსა და ჩრდილოეთ ირლანდიის გაერთიანებულ სამეფოში

მიმდინარე წლის 1 თებერვალს, ელჩმა სოფიო ქაცარავამ შეხვედრა გამართა გაერთიანებული სამეფოს საგარეო, თანამეგობრობისა და განვითარების სახელმწიფო მინისტრთან, ენ-მერი ტრეველიანთან. შეხვედრაზე მხარეებმა განიხილეს საქართველოსა და გაერთიანებულ სამეფოს შორის წარმატებული ორმხრივი თანამშრომლობა. ყურადღება გამახვილდა საქართველოს ოკუპირებულ რეგიონებში არსებულ მძიმე ჰუმანიტარულ ვითარებასა და რეგიონულ უსაფრთხოებაზე.

29 იანვარს, ელჩი, სოფიო ქაცარავა დაესწრო ბრიტანეთის პარლამენტის თავმჯდომარის, სერ ლინდსი ჰოილის მიერ გამართულ ოფიციალურ მიღებას, რომელსაც ასევე, საგარეო კომიტეტის თავმჯდომარე, ალისია ქერნსი ესწრებოდა. მიღების ფარგლებში აღინიშნა საქართველოსა და ბრიტანეთს შორის არსებული წარმატებული თანამშრომლობა.

გაერთიანებული სამეფოს საგარეო, თანამეგობრობისა და განვითარების ოფისის ადამიანის უფლებებისა და დემოკრატიის შესახებ 2020 ანგარიშში ზედიზედ მეხუთედ აისახა საქართველოს ოკუპირებულ რეგიონებში ადამიანის უფლებათა მხრივ არსებული მდგომარეობა. აღსანიშნავია, რომ საელჩო გაერთიანებული სამეფოს საგარეო, თანამეგობრობისა და განვითარების ოფისსა და ქვეყნის პარლამენტს რეგულარულად აწვდიდა სამინისტროდან მიღებულ განახლებულ ინფორმაციას საქართველოს ოკუპირებულ რეგიონებში ადამიანის უფლებების კუთხით არსებული უმძიმესი მდგომარეობის შესახებ.

ძვირფასო მოქალაქეებო, აღნიშნულ გვერდზე თქვენ შესაძლებლობა გაქვთ, მიიღოთ მუდმივად განახლებადი ინფორმაცია 2020 წლის 31 ოქტომბერს დანიშნულ საერთო საპარლამენტო არჩევნებში შეუფერხებლად მონაწილეობის პროცედურასთან დაკავშირებით.

მსოფლიოში არსებული ეპიდემიოლოგიური ვითარების გამო საქართველოში რეგულარული ფრენების აღდგენა ივლისის ბოლომდე გადავადდა/Due to the pandemic situation in the world, the resumption of regular international flights to Georgia has been postponed until the end of July.