11 იანვარს საქართველოს პარლამენტის ინიციატივით, საქართველოს საელჩოს ორგანიზებით და საქართველოს საკითხებზე ბრიტანეთის პარლამენტში მოქმედი ინტერპარტიული ჯგუფის ხელშეწყობით, ბრიტანეთის პარლამენტში გაიმართა საქართველოს დემოკრატიული რესპუბლიკის 1921 წლის კონსტიტუციის 90 წლისთავის აღსანიშნავი ფოტოგამოფენისადმი მიძღვნილი ოფიციალური ცერემონია.

2012 წლის 18 იანვარს ნოვო ოგარიოვოში გამართულ ჟურნალისტებთან შეხვედრაზე რუსეთის ფედერაციის პრეზიდენტობის კანდიდატი, პრემიერ-მინისტრი ვ. პუტინი კვლავ შეეხო საქართველო-რუსეთის ურთიერთობების თემას.

ვინაიდან ამ თემაზე საუბრისას ვ.პუტინმა კვლავ გააჟღერა კარგად ცნობილი პროპაგანდისტული კლიშეები 2008 წლის ომთან დაკავშირებით, არ იქნება ზედმეტი შევახსენოთ მას, რომ არც თუ ისე დიდი ხნის წინ, 2011 წლის 21 ნოემბერს რუსეთის პრეზიდენტმა დ. მედვედევმა ვლადიკავკაზში სამხედროებთან გამართულ შეხვედრაზე დაუფარავად აღიარა რუსეთის სამხედრო აგრესიის ნამდვილი მიზანი - საქართველოს ნატო-ში ინტეგრაციისათვის ხელის შეშლა.