სააგენტომ - „აწარმოე საქართველოში“ მონაწილეობა მიიღო SSON – GBS ღონისძიებაში
14-16 ოქტომბერს, ქ. ლონდონში სააგენტომ- „აწარმოე საქართველოში“ მონაწილეობა მიიღო SSON – GBS ღონისძიებაში, რომელიც ფოკუსირებული იყო გლობალური ბიზნეს სერვისების (GBS) სექტორზე და აერთიანებდა ინდუსტრიის ლიდერებს, პოლიტიკოსებს და პოტენციურ ინვესტორებს. ღონისძიებას ესწრებოდნენ საქმეთა დროებითი რწმუნებული, დესპანი გიორგი საგანელიძე, უფროსი მრჩეველი, ნუნუ მოსიაშვილი და სააგენტოს- “აწარმოე საქართველოში“ დირექტორის მოადგილე, თორნიკე ზირაქიშვილი.
საქართველოს წარმომადგენლებმა შეხვედრები გამართეს სხვადასხვა კომპანიებთან. სტენდზე წარმოდგენილი იყო ინვესტიციების განხორციელებისთვის ქვეყნის სტრატეგიული უპირატესობების, კერძოდ: ქვეყნის ხელსაყრელი ბიზნეს გარემოს, კვალიფიციური მუშახელის და კონკურენტული საგადასახადო სისტემის შესახებ ინფორმაცია.
